Divisional Secretariat - Moratuwa

දරු සම්පත සුරකිමු විවිධත්වය අගය කරමු

මොරටුව ප්‍රාදේශීය ලේකම් තුමියගේ මෙහෙයවීම මත ළමා හා කාන්තා ඒකකය මඟින් සංවිධානය කළ සවි බල මවකට නැණවත් දරුවන් වැඩසටහන් මාලාවේ දෙවන වැඩසටහන "දරු සම්පත සුරකිමු විවිධත්වය අගය කරමු" ගැබිණි මව්වරුන් සඳහා පවත්වන ලද දැනූවත් කිරීමේ වැඩසටහන 2022.02.18 දින මොරටුව ප්‍රාදේශීය ලේකම් කාර්යාලීය ශ්‍රවණාගාරයේ දී පවත්වන ලදී. මෙම වැඩසටහන සදහා උපදේශන නිලධාරි දීපිකා සුදර්ශනි මහත්මිය හා සමථ සංවර්ධන නිලධාරි ගංගා දිල්රුක්ෂි මහත්මිය සම්පත් දායකත්වය ලබා දෙන ලදී.

එසේම එහිදී ගැබිණි මව්වරුන් සඳහා වවුචර් පත් ප්‍රදානය කිරීම සිදු කළ අතර මෙදින ම ගැබිණි මව්වරුන් හා ඔවුන්ගේ දරුවන් පිළිබඳ ව සමීක්ෂණ පත්‍රිකාවක් හරහා තොරතුරු එක් රැස් කළ අතර මෙම තොරතුරු හරහා ඉදිරියේදි පෙර පාසල්, පාසල් නොයන දරුවන් මෙන් ම උප්පැන්න සහතික නොමැති හා විශේෂ අවශ්‍යතා සහිත දරුවන් පිළිබද තොරතුරු රැස් කිරීමත් ඒ සඳහා කඩිනම් පියවර ගැනීමත් මෙම සමීක්ෂණයේ මූලික අරමුණ විය. තව ද මෙම වැඩසටහන තුළ හමු වු උපදේශන අවශ්‍යතා ඇති දෙමව්පියන් මෙදින ම උපදේශනය සදහා යොමු කරන ලදී.

සංවිධානය - කාන්තා හා ළමා ඒකකය

“වර්ණ” මැහුම් හා අත්කම් ප්‍රදර්ශනය

මොරටුව ප්‍රාදේශීය ලේකම් කාර්යාලයේ අධීක්ෂණයෙන් ග්‍රාම සංවර්ධන දෙපාර්තමේන්තුවේ මෙහෙයවීමෙන්, මොරටුව ග්‍රාමීය කාන්තා පුහුණු මධ්‍යස්ථානයේ පුහුණු ලාභිනියන්ගේ දස්කම් ඇතුලත් “වර්ණ” මැහුම් හා අත්කම් ප්‍රදර්ශනය 2022/02/15 වන දින දවස පුරා ලක්ෂපතිය ශුද්ධ වු මත්තියස්තුමාගේ දේවස්ථානයේ දී පවත්වන ලදී.

මෙම වැඩසටහන සඳහා මොරටුව ප්‍රාදේශීය ලේකම් ඉෂංකා ඩී.කේ. උඩවත්ත මැතිණියගේ හා සහකාර ප්‍රාදේශීය ලේකම් ඩබ්. පී. චතුරංග වීරසිංග මහතාගේ ප්‍රධානත්වයෙන් පැවති අතර මැහුම් උපදේශිකා නදීෂා හර්ෂණි මෙනවියගේ මෙහෙයවීමෙන් සාර්ථකව පවත්වා නිම කරන ලදී.

ළමා වෙළදාම පිළිබඳව ළමුන් සමග කටයුතු කරන ආයතනවල කාර්යය මණ්ඩල දැනුවත් කිරීමේ වැඩසටහන...

2022-02-14 “ආදරවන්තයින්ගේ දිනය අර්ථාන්විතව, යෞවනයට ආදරයෙන්”  නව යොවුන්වියේ ළමුන් බලගැන්වීමේ එක් දින වැඩසටහන - මොරටුව

නව යොවුන් වියේ පසු වන ළමුන් වර්තමානයේ මුහුණ දෙන ගැටලු පිළිබඳ සැලකිල්ලට ගෙන ඒවා අවම කරමින් ළමුන්ගේ ආරක්ෂාව තහවුරු කිරීම අරමුණු කර ගනිමින් 2022-02-14 වන දින ලුනාව සමුද්‍ර ශක්ති මහල් නිවාස සංකීර්ණයේ ළමුන් 100 දෙනෙක් ඉලක්ක කර ගනිමින් ළමුන් සඳහා බලගැන්වීමේ වැඩසටහනක් පවත්වන ලදී. ලිංගික හා ප්‍රජනන සෞඛ්‍ය පිළිබඳව ලිංගික හිංසනයෙන් ආරක්ෂා වීම, සිය දිවි නසා ගැනීම වැලැක්වීම, ජීවන අරමුණු ඇති කර ගැනීම, සවින්ගේ කතාව නම් ළමා කෙටි චිත්‍රපටිය ප්‍රදර්ශණය හා එම වැඩසටහනේ දී විශේෂ දක්ෂතා දැක් වූ දරුවන්ට ග්‍රන්ථ තිළිණ කිරීමක් ද සිදු විණි.

මෙම වැඩසටහන මොරටුව ප්‍රාදේශීය ලේකම් ඉෂංකා ඩී.කේ. උඩවත්ත මැතිණියගේ මගපෙන්වීම යටතේ ළමා ආරක්ෂක නිලධාරීනී මධූෂා පන්නිගලගමගේ මහත්මිය විසින් සිදු කෙරුණි. මහල් නිවාසවල දරුවන් බලගැන්වීමේ ව්‍යාපෘතියක් ලෙස ක්‍රියාත්මක වූ මෙම වැඩසටහන සඳහා මූල්‍ය අනුග්‍රහකත්වය මොරටුව එම්. ජේ. එෆ්. පුණ්‍ය පදනම විසින් ලබා දෙන ලදී.