ආහාර සුරක්ෂිතතාව සහ පෝෂණය සහතික කිරීමේ ආර්ථික පුනර්ජීවන කේන්ද්ර වශයෙන් කඩිනමින් සවිබල ගැන්වීමේ වැඩසටහනේ ප්රාදේශීය කමිටු රැස්වීම - මොරටුව
ප්රාදේශීය ආහාර සුරක්ෂිතතාව හා පෝෂණය සහතික කිරීම සදහා වන ග්රාමීය ආර්ථික පුනර්ජීවන කේන්ද්ර සවිබල ගැන්වීමේ බහු ආංශික ඒකාබද්ධ යාන්ත්රණය ක්රියාත්මක කිරීමේ අරමුණින් ප්රාදේශීය කමිටු රැස්වීම, 2022.09.22 ප්රාදේශීය ලේකම් ඉෂංකා ඩි.කේ. උඩවත්ත මැතිතුමියගේ ප්රධානත්වයෙන් මොරටුව ප්රාදේශීය ලේකම් කාර්යාලයීය ශ්රවණාගාරයේ දී පවත්වන ලදී.
මෙවන් කාල වකවානුවක රාජ්ය නිලධාරීන් විසින් සිදු කළ යුතු මෙහෙවර සහ මෙම වැඩසටහනේ ප්රධාන අරමුණු ළගා කරගැනීමට කටයුතු කළ යුතු ආකාරය පිළිබඳව මොරටුව ප්රාදේශීය ලේකම් ඉෂංකා ඩි.කේ. උඩවත්ත මැතිතුමිය විසින් දීර්ඝව පැහැදිලි කරන ලදී.
"සෑම පුරවැසියෙකුටම රටේ පවතින ඕනෑම තත්ත්වයකදී වුවද ක්රියාශීලී, නීරෝගි දිවි පැවැත්මකටම අවශ්ය ප්රමාණවත් ආහාර සාධාරණ මිලකට ලබා ගැනීමට හැකිවීම" මුලික කර ගනිමින් මෙම ජාතික වැඩසටහන ක්රියාත්මක වේ. ප්රාදේශීය ලේකම් කාර්යාලයීය සහකාර අධ්යක්ෂ සැලසුම් මහත්මින් ඇතුළු සැලසුම් අංශය විසින් මෙම වැඩසටහන සංවිධානය කරනු ලැබීය. ප්රාදේශීය ලේකම් කාර්යාලයේ නිලධාරීන්, රාජ්ය නිලධාරීන්, රාජ්ය නොවන සංවිධාන, මුල්ය ආයතන, වානිජ්ය බැංකු මෙම වැඩසටහන සදහා සහභාගී වූහ.
